Martxoan ez galdu Cimasubeko ekitaldi guztiak

Itsaspeko Zinemaren Nazioarteko Zikloak (CIMASUB) bere ibilbidearekin jarraitzen du martxoan, adin guztietarako proiekzio eta jarduera zirraragarriz betetako egutegiarekin. Hilabete honetan, hainbat herritan itsaspeko zinema saioak, hezkuntza programak eta ekitaldi bereziak izango dira, haurrak, helduak eta adinekoak itsas hondoen edertasunera hurbilduz.

Iruñean: martxoaren 11n

García Galdeano HLHIPn egingo da Itsaspeko Txikizikloa, Lehen Hezkuntzako 5. eta 6. mailako ikasleei zuzendutako hezkuntza-programa. Ekimen honen bidez, txikienek ozeanoen aberastasuna eta kontserbazioaren garrantzia ezagutu ahal izango dute.

Deba: martxoak 13, 20 eta 27

Debak jarduera ugari izango ditu hilean zehar:

• Martxoaren 13an, 20an eta 27an: 18:30ean, Kultur Elkartean, itsaspeko hiru zinema saio izango ditugu, jendearentzat irekiak.
• Martxoak 17: Itsaspeko Txikizikloa, Kultur Elkartean gazteentzat diseinatutako hezkuntza-proiekzioa.
• Martxoak 27: Itsaspeko Adinzikloa, ekitaldi berezia Debako Eguneko Zentroan, Real Sociedad Fundazioarekin lankidetzan, itsaspeko munduaren magia egoiliarrei eta haien familiei eramango diena.

Azpeitia: martxoak 26

Herri horretan bi jarduera egingo dira egun berean:

• Itsaspeko zinema saioa 19:00etan Soreasu Antzokian, publiko orokorrarentzat.
• Itsaspeko Txikizikloa, txikienei zuzendutako jarduera Soreasu Antzokian.

Hondarribia: martxoaren 27, 28 eta 29an.

Hondarribiak hainbat jarduerarekin itxiko du hilabetea:

• Martxoak 27, 28 eta 29: Proiekzio saioak Itsas Etxeko Auditorioan 19:00etan.
• Martxoaren 14tik 30era: Argazki erakusketa Itsas Etxeko sarreran.
• Martxoaren 27an: Itsaspeko Txikizikloa Itsas Etxeko Auditorioan.
• Martxoak 25: Itsaspeko Adinzikloa San Gabriel Egoitzan.

Beste Adinzikloak

Gainera, CIMASUBek Itsaspeko Adinziklo bi saio egingo ditu Arrasateko eta Donostiako Aita Menni Zentroetan, ozeanoen edertasuna gure adinekoei gerturatuz.

Martxoa hilabete ahaztezina izango da itsaspeko zinema eta natura maite dutenentzat. Egoitza guztietan izango gaituzue zain, itsaspeko abentura zirraragarri honetan elkarrekin murgiltzeko!