Donostiako Nazioarteko Itsaspeko Zinema Zikloak bere 41. edizioa hiru jardunaldietako publiko presentzia handiarekin amaitzen du. Zifra ofiziala ezean 2017-ko CIMASUB sarrerak Antzoki Nagusian mila ikusle baino gehiago izan dituela estimatzen da.
Cimasub, Donostiako Nazioarteko Itsaspeko Zinema Zikloaren 41. edizioa amaitu da larunbat honetan Paco Pizarro-rentzako omenaldi hunkigarri batekin. Jaialdiaren fundatzailea eta 35 urtetan zehar zuzendaria izanda, Pizarrok trofeo berezi bat jaso zuen "Itsasoari eskainitako bizitza guztiagatik", pertsona hain miragarriari eman zaiokeen sari handiena, bere arduraldi eta hainbeste urtetan zeharreko lanari esker. Paco Pizarro-k hunkituta eskertu zuen saria, bere lagunen babesa gabe posiblea izango ez zela azpimarratu zuelarik.
Sariaren ematea urrezko brotxea izan zen edizio honetan publikoaren laguntza kontatuz gero. Antzoki Nagusiaren edukierako parte on bat okupatuta egon da lehiaketak iraun duen hiru egunetan zehar. Espezialistek garatutako txostenek ikusleen arteko harrera ona izan dute ere. Ostiralean Juan Videgain doktorearen hitzaldia urpeko igeriketako entzumen arazoen aurkako prebentzioaren gainean sortu zuen ikusmina nabarmendu behar da. Egun berean ‘Eduard Admetlla, arrainen laguna’’, Espainako urpeko igeriketako aitzindaria izan den lehen pertsonan aurkeztutako dokumentala eman zen. Bere egilea, Gorka Leclercq, "El Diario Vasco-k" ematen duen hobeto landuta dagoen kazetaritzako saria bere eskuz jaso zuen.
Klausura jardunaldian sarituentzako espazioa egon zen ere. Rafael Herrero ‘Ispilu likidoa’ zinta nagusienarekin, dokumental-kategorian Urre-Eskudela jaso baitzuen. Filmak ozeano irekian aurki daitekeen ohi ez bezalako bizitza aukera erakusten du. Akzioa hamar metroko sakontasunean igarotzen da, hain zuzen ere azalaren azpian, espezie askok migratzeko, harrapatzeko eta kamuflatzeko ere erabiltzen dituzten espazio batean. Edwar Herreño-ren ’Costa Rica’ zinta, film labur-kategorian sari handienaz bereiztu zen. Vicente Leal Juan-en ‘Khelone, the punishment of Hermes’ filmak Zilar-Eskudela jaso zuen kategori berean.
Real Sociedad Fundazioa gure babesle nagusia da eta Nekane Soriaren eskuz, Real Sociedad de Fútbol taldearen sailburua, bertan zeuden saritu guztiei taldearen kamiseta ofizial bat eman zitzaien bakoitzaren izenarekin.
Saioan ere Ramón Verdaguer entzun ahal izan zen urpeko igeriketaren arloan hainbat aholku emanez. Edizioa Pizarro-ren omenaldiarekin amaitzeak aho-zapore bikaina utzi du zaleen artean.
Bere aurkezle-zereginak zoragarriz eginda, CIMASUB eta TXIKICICLO-aren aurkezlea Izaskun Suberbiolaren hitzetan... "Bart gure planetaren edertasun sakonetaz gozatzen aritu garen hiru egunetako bidaia bukatu genuen. Lehen egunean Nazioarteko Itsaspeko Zinema Zikloaren 41. edizio honi esker gure itsasoaz pixkat gehiago maitemintzea agian lortuko genuelaz hitz egin genuen. Espero dugu horrela izatea eta ziur gaude azken jardunaldi honekin bertan parte hartu dituzuen guztien bihotzera iritsi garela, gaurtik aurrera itsasoaren etorkizunaren zaintzaieleak izateaz harro sentituko zaretelarik".
CIMASUB-aren izenean eta Urpeko jarduerako Sail guztiaren izenean mila esker guztiei hain leial izateagatik, eskerrak edizio honetan jaso ditugun bisita berriei, bai gazteei bai gurasoei eta ekarri dituzten seme-alabei, haiek gure itsasoentzat etorkizuna izango dira eta. Eta noski, eskerrik asko gure babesle eta kolaboratzaileei, haiek gabe guzti hau posiblea ez litzatekeelako izango.
Bizitza luzea CIMASUB - Donostiako Nazioarteko Itsaspeko Zinema Zikloarentzat!
Iruzkinak
Zure iruzkina idatzi