CIMASUBeko azken galak ez du inor axolagabe uzten. Egun guztietan izan den bereziena izan da, izan ere, zeharkaldiaren amaierara iritsi zen, ez lehenago murgildu gabe, beste behin ere, planetaren zatirik handiena irudikatzen duen itsas unibertsoan.
Kategoria ezberdinetan Urrezko Saria jaso duten lanen proiekzioa, edizio honetan ikusi ahal izan diren lan zirraragarriekin sentitutako emozio askoren amaiera izan zen. Bidaia hau Cimasub 2022ko lan onenekin amaitu dugu. Egun hauetan zehar, 32 film labur eta 5 dokumentalez gozatu dugu, jasotako 250 lanen artean aukeratuak, eta hiru argazki erakusketa Aquariumean, Garberan eta Reale Arenako Kirol Etxean. Horietan ikusi dugu mamu-sareen arazoa, marrazoen arrantza masiboa, itsasoko baliabideen gehiegizko ustiapena Baina baita itsas hondoaren edertasuna ere, kolore horiekin eta harmonia perfektuko biodibertsitate-leherketa horrekin.
Une zirraragarriena, zalantzarik gabe, sari-banaketarekin iritsi zen, ekitaldi maitagarri batean, non sarituekin partekatutako hiru egunetan bizitako sentsazio guztiak nahastu ziren.
Donostiako baranda, garaikur itxurakoa, munduko leku askotatik Donostia bisitatu zuten saridunen eskuetara iritsi zen azkenean. Edizio honetan, nazioartean ospe handia duten argazkigintzako eta itsaspeko bideoko profesionalak izan ditugu, besteak beste.
Eskerrak ematea besterik ez zaigu geratzen Donostiara etortzeagatik egun berezi hauek gurekin partekatzera. Orain CIMASUBeko familiako kide zarete. Eskerrik asko eta hurrengo ediziora arte.
Eta hemen amaitzen da Donostiako Cimasub 2022. Gure aldetik, bidaiarekin jarraituko dugu, antzoki honetan ikusi duzuen guztia beste herri eta hiri batzuetako pertsona gehiagori helarazteko.
Espero dugu gozatu izana eta berriro elkar ikustea Donostiako Cimasub 2023an.
Iruzkinak
Zure iruzkina idatzi